ភ្នំពេញ៖ តារាសម្តែងស្រី ដ៏ឆ្នើម អ្នកនាង សារ៉ាយ សក្ខណា បានបង្ហូរទឹកភ្នែក និងភ័យតក់ស្លុតមែនទែន នៅពេលក្រុមមិត្តភក្តិ រួមទាំងស្វាមីរបស់នាង បានធ្វើវីដេអូសាកចិត្តមួយ។

ការធ្វើវីដេអូនេះឡើង គឺចង់ដឹងពី បេះដូងរបស់ អ្នកនាង សារ៉ាយ សក្ខណា ផ្ទាល់ថា មានអារម្មណ៍យ៉ាងណា នៅពេលស្វាមីជាទីស្រលាញ់របស់ខ្លួន នាំស្រី ទៅចូលផ្ទះសំណាក់។

អ្វីដែលសំខាន់ ការសម្តែង ដែលមានការចូលរួម ពីកញ្ញា នី មុន្នីនាថ និង ស្វាមីរបស់អ្នកនាង សារ៉ាយ សក្ខណា ពិតជាសម្តែងបានយ៉ាងសាកសម រហូតធ្វើឲ្យ អ្នកនាង ស្លុងចិត្ត និង ហូរទឹកភ្នែកខ្លាំងតែម្តង។

ប៉ុន្តែយ៉ាងណាមិញ លោក តាន់ គឹមសួរ ដែលជាអ្នកដឹកនាំ ក្នុងការថតវីដេអូខ្លីៗ បានអះអាងថា វីដេអូមួយនេះ មិនមែន ចង់បំបាក់ទឹកចិត្តដល់ អ្នកនាង សារ៉ាយ សក្ខណា នោះទេ តែគ្រាន់តែធ្វើឡើង ដើម្បីឲ្យបុរសៗ ដឹងពីអារម្មណ៍របស់ភរិយាថាតើ នាងមានអារម្មណ៍ឈឺចាប់ប៉ុណ្ណា ពេលនាង ដឹងថាស្វាមីរបស់នាង នាំស្រីចូលផ្ទះសំណាក់៕