ស្រីស្រស់៣នាក់ចេញពីក្លឹប ស្រាប់តែចោរឆក់បាត់
8:32 PM
រាជធានីភ្នំពេញ ៖ នារីវ័យក្មេងស្រស់ស្អាតទាំង៣នាក់ចេញពីក្លឹបកម្សាន្ត ជិះម៉ូតូមួយគ្រឿងព្យួរកាបូបនៅជាប់ម៉ូតូ ស្រាប់តែត្រូវជនសង្ស័យឆក់ទៅបាត់ បណ្តាលឲ្យភ័យស្លន់ស្លោដួលម៉ូតូរងរបួសស្រាលទាំង៣នាក់ ហេតុការណ៍នេះបង្កការភ្ញាក់ផ្អើលកាលពីវេលាម៉ោង១២អធ្រាត្រថ្ងៃទី២២ ខែកក្កដា ឆ្នាំ២០១៧ នៅចំណុចភ្នំពេញស្ព័តក្លឹប តាមផ្លូវ២៧១ សង្កាត់ទួលទំពូងទី២ ខណ្ឌចំការមន ។
loading...
ប្រភពពីនារីរងគ្រោះសុំមិនប្រាប់ឈ្មោះបានឲ្យដឹងថា មុនពេលកើតហេតុ គាត់ជិះម៉ូតូមួយ គ្រឿងម៉ាកវ៉េវ ពណ៌ខ្មៅ ជិះគ្នា៣នាក់ដែលទើបនឹងចេញពីក្លឹបបំរុងទៅផ្ទះវិញ និងមានបងប្អូនជិះម៉ូតូពីក្រោយដែរ ប៉ុន្តែជិះឃ្លាតឆ្ងាយពីគ្នា ។ ពេលដល់ចំណុចកើតហេតុ មានជនសង្ស័យ៤នាក់ជិះម៉ូតូ២គ្រឿង ម៉ាកស៊ុយសូគីលេត និងស៊ុយសូគីនិច តាមពីក្រោយមកដល់ផ្លូវ២៧១ ស្រាប់តែធ្វើឆក់កាបូបដែលភ្ជួរនៅមុខម៉ូតូទៅបាត់ធ្វើឲ្យគាត់ភ័យពេករេចង្កូតដួលទាំង៣នាក់រងរបួសរលាត់ដៃជើងតែម្តង ។ ដោយតក់ស្លុតពេកជិះទៅមុខលែងរួច ក៏ទូរស័ព្ទហៅបងប្រុសជីដូនមួយឱ្យជួយប្ដឹងសមត្ថកិច្ចផង បន្ទាប់មកក៏អង្គុយនៅចិញ្ចើមផ្លូវជិត១ម៉ោងមិនឃើញមានសមត្ថកិច្ចមកជួយអន្តរាគមន៍ បងប្រុសក៏ជូនទៅលាងរបួសនៅមន្ទីរពេទ្យតែម្តង ។
ជនរងគ្រោះបានបញ្ជាក់ថា នៅក្នុងកាបូបដែលចោរឆក់ទៅបាត់នោះមានលុយ៣០ដុល្លារ និងទូរស័ព្ទដៃ២គ្រឿង ម៉ាកសាំសុង និងម៉ាកអាយហ្វូន ៕
loading...
From:https://kohsantepheapdaily.com.kh/article/167418.html
0 comments