Khmer Review

9:54 PM

ករណីបាញ់ប្រពន្ធស្លាប់រួចបាញ់ខ្លួនឯងដែរនេះ... តើការពិតយ៉ាងណា?

5:57 PM

លោកអើយ! ភ្នែករវល់អោនរកចាប់ត្រី...

ខេត្តបន្ទាយមានជ័យ ៖ ក្មេងប្រុសម្នាក់បានជួបគ្រោះអកុសលត្រូវម៉ាស៊ីនច្រូតស្រូវខ្នាតធំមួយគ្រឿង បើកថយក្រោយកិនកប់ភក់បែកក្បាលស្លាប់ភ្នាមៗនៅនឹងកន្លែង ខណៈក្មេងប្រុសរូបនោះកំពុងដើរចាប់ត្រីពីក្រោយម៉ាស៊ីនច្រូតស្រូវនោះ កាលពីវេលាម៉ោង៨និង៣០នាទីព្រឹកថ្ងៃទី១៨ សីហា ស្ថិតចំណុចវាលខាងកើតវត្តពង្រ ស្ថិតក្នុងភូមិពង្រ ឃុំបន្ទាយនាង ស្រុកមង្គលបុរី ។

មន្ត្រីនគរបាលប៉ុស្តិ៍ឃុំបន្ទាយនាងបានប្រាប់ថា ក្មេងប្រុសរងគ្រោះដែលត្រូវម៉ាស៊ីនច្រូតស្រូវកិនស្លាប់ឈ្មោះ ម៉ាន កក្កដា អាយុ៨ឆ្នាំ។មន្ត្រីនគរបាលរូបនោះបានបញ្ជាក់ទៀតថា មុនពេលកើតហេតុ កុមាររងគ្រោះរួមជាមួយក្មេងប្រុសស្រីប្រមាណ២ទៅ៣នាក់ទៀតបានដើរចាប់ត្រីពីក្រោយម៉ាស៊ីនច្រូតស្រូវ លុះច្រូតដល់ក្បាលស្រែ ម៉ាសុីនច្រូតស្រូវបានបត់ហើយថយក្រោយក៏បានកិនក្មេងប្រុសរូបនោះ បណ្ដាលឱ្យបែកក្បាលស្លាប់ភ្លាមៗនៅក្នុងភក់ ។

ក្រោយពេលកើតហេតុ អ្នកបើកបរម៉ាសុីនច្រូតស្រូវឈ្មោះ ផន យ៉ន ភេទប្រុស អាយុ៦០ឆ្នាំ និងម្ចាស់ម៉ាស៊ីនច្រូតស្រូវឈ្មោះ ប៉័ង ថង ភេទប្រុស អាយុ៦១ឆ្នាំ រស់នៅក្នុងភូមិជាមួយក្មេងប្រុសរងគ្រោះដែរមិនបានរត់ទៅណាទេ។ម្ចាស់ម៉ាស៊ីនច្រូតស្រូវបានទទួលចេញថ្លៃធ្វើបុណ្យដល់ក្មេងរងគ្រោះ តែច្បាប់នៅតែបន្តអនុវត្តចំពោះអ្នកបើកបរបង្កឱ្យជនរងគ្រោះស្លាប់ដដែល ៕

....

From:https://kohsantepheapdaily.com.kh/article/169004.html

5:46 PM

ស្ទាវចងកំហឹងអ្នកមេម៉ាយម្នាក់... កាប់ដោយកាំបិតប៉័ងតោទាំងរស់

រាជធានីភ្នំពេញ ៖ ស្ត្រីមេម៉ាយម្នាក់បានដេកស្លាប់ក្នុងថ្លុកឈាម បន្ទាប់ពីមានការកាប់ប្រហារដោយកាំបិតបុ័ងតោយ៉ាងព្រៃផ្សៃនៅវេលាម៉ោង១និង៣០នាទីរំលងអធ្រាត្រឈានថ្ងៃទី១៨ សីហា នៅភូមិចំការគ ឃុំស្វាយចេក ស្រុកស្វាយចេក ។

លោកវរសេនីយ៍ទោជា ស្លូញ អធិការនគរបាលស្រុកស្វាយចេកបានឱ្យដឹងថា ស្ត្រីរងគ្រោះឈ្មោះឡុង សាលៀម អាយុ៤០ឆ្នាំ គឺជាស្ត្រីមេម៉ាយ មានកូនប្រុស-ស្រីចំនួន៥នាក់ ក្នុងនោះ៣នាក់ទៅធ្វើការនៅប្រទេសថៃ និងម្នាក់មានប្រពន្ធរស់នៅក្នុងភូមិជាមួយគ្នា ចំណែកកូនពៅអាយុជាង១០ឆ្នាំ ។

លោកអធិការបានបញ្ជាក់ថា ក្រោយកើតហេតុ កម្លាំងនគរបាលស្រុកស្វាយចេក បានចុះធ្វើការស្រាវជ្រាវភ្លាមៗរហូតឈានដល់ចាប់ខ្លួនជនដៃដល់ឈ្មោះរួត ធំ ភេទប្រុស អាយុ២០ឆ្នាំ រស់នៅភូមិជាមួយគ្នា ចំណែកបក្សពួកម្នាក់ទៀតឈ្មោះ ឈឿត រឹត ភេទប្រុស អាយុ៣០ឆ្នាំ នៅភូមិរបើកខ្យា ឃុំនគរភាស ស្រុកអង្គរជុំ ខេត្តសៀមរាប ក៏ត្រូវបានចាប់ខ្លួននៅវេលាម៉ោង១១ព្រឹកថ្ងៃទី១៨ សីហា ។ ការចាប់ខ្លួនជនដៃដល់ទាំង២នេះ សមត្ថកិច្ចដកហូតបានវត្ថុតាងកាំបិតបុ័ងតោ ដែលជនល្មើសធ្វើសកម្មភាពកាប់ប្រហារទៅលើជនរងគ្រោះចំនួន១ និងម៉ូតូដែលជិះធ្វើសកម្មភាព១គ្រឿង ។

លោកអធិការបានបញ្ជាក់ថា ក្រោយពីធ្វើការចាប់ខ្លួន នៅចំពោះមុខសមត្ថកិច្ច ឈ្មោះរួត ធំ ដែលជាបងធំក្នុងភូមិនោះ និងជាជនដៃដល់បានសារភាពថា រឿងហេតុដែលឈានដល់ការកាប់សម្លាប់ស្ត្រីរងគ្រោះ ក៏ព្រោះតែទាស់ពាក្យសំដីគ្នា ហើយស្ត្រីរងគ្រោះពេលឃើញមុខគេស្រែកជេរ ទើបទប់កំហឹងមិនបាន នៅយប់កើតហេតុក៏បានបបួលមិត្តភក្តិឈ្មោះ ឈឿត រឹត យកកាំបិតបុ័ងតោធ្វើសកកម្មភាពកាប់សម្លាប់តែម្តង ។ លោកអធិការបានឱ្យដឹងទៀតថា ជនល្មើសទាំង២នាក់ កំពុងធ្វើការសាកសួរនៅអធិការដ្ឋាន និងបញ្ជូនបន្តទៅស្នងការដ្ឋាននគរបាលខេត្តចាត់ការបន្តតាមនីតិវិធីច្បាប់ ៕

....

From:https://kohsantepheapdaily.com.kh/article/169009.html

9:52 PM

ជុំវិញព័ត៌មានស្តីពីវាសនាលោក ញឹក ប៊ុនឆៃ

8:38 PM

ស្លាប់២នាក់ និង២នាក់ទៀតរងរបួសធ្ងន់ ដោយគ្រោះថ្នាក់ចរាចរណ៍

ខេត្តពោធិ៍សាត់ ៖ យ៉ាងហោចណាស់មនុស្ស០២នាក់បានស្លាប់បាត់បង់ជីវិត និង០២នាក់ទៀតរងរបួសធ្ងន់ ដោយគ្រោះថ្នាក់ចរាចរណ៍ ដែលបានកើតឡើងនៅខេត្តពោធិ៍សាត់ក្នុងរយះពេលពីរថ្ងៃ គឺថ្ងៃទី២៩ និងថ្ងៃទី៣០ ខែកក្កដា ឆ្នាំ២០១៧ នៅកន្លែងផ្សេងគ្នា ។
សមត្ថកិច្ចចរាចរណ៍ផ្លូវគោក បានឲ្យដឹងថា ៖ គ្រោះថ្នាក់ចរាចរណ៍ខាងលើនេះ កើតឡើង០៤ករណីផ្សេងគ្នា ៖ ទី១.លើកំណាត់ផ្លូវជាតិលេខ៥ ត្រង់ចំណុចភូមិត្រាំ ឃុំត្នោតជុំ ស្រុកក្រគរ ដែលបង្កឡើងដោយរថយន្ដបុកអ្នកជិះកង់ស្លាប់ ។ នៅយប់នោះរថយន្ដមិនស្គាល់អត្តសញ្ញាណ បើកបរយ៉ាងលឿនពីកើតទៅលិច ។ ទៅដល់ចំណុចកើតហេតុ បានបុកបុរសម្នាក់កំពុងជិះកង់ស្របទិសគ្នា បណ្ដាលឲ្យរបួសយ៉ាងធ្ងន់ធ្ងរ ហើយបានស្លាប់ក្រោយពេលបញ្ជូនទៅសង្គ្រោះនៅមន្ទីរពេទ្យ ។ ជនរងគ្រោះមិនស្គាល់អត្តសញ្ញាណទេ អាយុប្រហែល៦០ឆ្នាំ ពាក់អាវយឺតសដៃខ្លី ស្លៀកខោជើងវែងពណ៌ក្រម៉ៅ ។

គ្រោះថ្នាក់ចរាចរណ៍លើកទី២ កើតឡើងនៅលើផ្លូវកៅស៊ូ ស្ថិតក្នុងភូមិរូងឃុំបឹងខ្នារ ស្រុកបាកាន បង្កឡើងដោយម៉ូតូបុកឆ្កែបណ្ដាលឲ្យស្លាប់អ្នកជិះម៉ូតូ ។ ជនរងគ្រោះឈ្មោះ ផេង ជឿន ភេទប្រុស អាយុ៤២ឆ្នាំ រស់នៅភូមិបឹងប្រិយ៍ ឃុំត្រពាំងជង ស្រុកបាកាន ជិះម៉ូតូម៉ាកហុងដា សេ១២៥ ពណ៌ខ្មៅ ស៊េរី២០០៨ ពាក់ស្លាកលេខ ពោធិ៍សាត់ ១B-៤១១៥ ។ នៅថ្ងៃនោះជនរងគ្រោះជិះម៉ូតូម្នាក់ឯងក្នុងល្បឿនលឿន ។ ទៅដល់ចំណុចកើតហេតុ បានបុកសត្វឆ្កែរត់កាត់ថ្នល់បណ្ដាលឲ្យដួលបោកក្បាលពីរបីត្រលប់សន្លប់ស្ដូកស្ដឹង ហើយបានស្លាប់ពេលបញ្ជូនទៅដល់មន្ទីរពេទ្យ ។

គ្រោះថ្នាក់ចរាចរណ៍លើកទី៣ កើតឡើងនៅភូមិបឹងក្រាញ់ ឃុំកញ្ជរ ស្រុកកណ្ដៀង ដែលបង្កឡើងដោយអ្នកជិះម៉ូតូដួលខ្លួនឯងរបួសធ្ងន់ ។ ជនរងគ្រោះឈ្មោះ ឯក ធារ៉ា ភេទប្រុស អាយុ២៦ឆ្នាំ រស់នៅភូមិតាកែវក្រោម ឃុំបឹងកន្ទួត ស្រុកក្រគរ ជិះម៉ូតូម៉ាកហុងដា សេ១២៥ ពណ៌ខ្មៅ ពាក់ស្លាកលេខ ពោធិ៍សាត់ ១B-៤៣៥៩ ។
គ្រោះថ្នាក់ចរាចរណ៍លើកទី៤ កើតឡើងនៅលើកំណាត់ផ្លូវជាតិលេខ៥ ចន្លោះគីឡូម៉ែត្រលេខ២០៧ ២០៨ ត្រង់ចំណុចភូមិព្រៃផ្ដៅ ឃុំបឹងខ្នារ ស្រុកបាកាន បង្កឡើងដោយម៉ូតូកៀររថយន្ដ របួសធ្ងន់ ។ នៅរសៀលនោះ ជនរងគ្រោះឈ្មោះ សុខុម សុវឌ្ព្យន៍ ភេទប្រុស អាយុ២១ឆ្នាំ រស់នៅភូមិបឹងខ្នារ ឃុំបឹងខ្នារ ស្រុកបាកាន បានជិះម៉ូតូម៉ាកហុងដា សេ១២៥ ពណ៌ខ្មៅ ស៊េរី២០១៥ ពាក់ស្លាកលេខ ពោធិ៍សាត់ ១G-៨៩០៥ ក្នុងទិសដៅពីលិចទៅកើត ។ ទៅដល់ចំណុចកើតហេតុ បានបើកជែង និងកៀររថយន្ដមួយគ្រឿង ដែលកំពុងធ្វើដំណើរស្របទិសគ្នា បណ្ដាលឲ្យដួលពីរបីត្រលប់របួសយ៉ាងធ្ងន់ធ្ងរ ។ ចំណែករថយន្ដមិនស្គាល់ម៉ាក ឃើញហេតុការណ៍បែបនេះ ក៏បើកគេចខ្លួនបាត់ស្រមោលតែម្ដង ។
ម៉ូតូបង្កគ្រោះថ្នាក់ទាំងអស់ សមត្ថកិច្ចបានយកទៅរក្សាទុកនៅប៉ុស្ដិ៍រដ្ឋបាល ឬឯជនរងគ្រោះកំពុងសម្រាកព្យាបាលនៅមន្ទីរពេទ្យ ៕

...

From:https://kohsantepheapdaily.com.kh/article/167866.html

8:32 PM

ហ៊ឺ... សុខៗមកបុកផ្តាច់ជីវិតគ្នា

ខេត្តព្រះសីហនុ(ស្រុកព្រៃនប់) ៖ បុរសម្នាក់ស្លាប់នៅនឹងកន្លែងខណៈកំពុងបើកម៉ូតូ ក៏ត្រូវរថយន្តធុនធំមួយគ្រឿងកៀរដួលក្នុងទិសដៅស្របគ្នានោះ បណ្តាលបោកក្បាលស្លាប់តែម្តង កើតឡើងម៉ោង០៣ និង៣០នាទីរសៀលថ្ងៃទី៣០ កក្កដា ស្ថិតតាមបណ្តោយផ្លូវជាតិលេខ៤ កែងព្រលានយន្តហោះកងកេងចន្លោះគីឡូម៉ែត្រលេខ២០៨-២០៩ ក្នុងភូមិថ្មធំ ឃុំរាម ស្រុកព្រៃនប់ ។

តាមសមត្ថកិច្ចឱ្យដឹងថា គ្រោះថ្នាក់នេះ គឺបង្កឡើងដោយរថយន្តម៉ាកHINO ពណ៌ទឹកប្រាក់ ពាក់ផ្លាកលេខភ្នំពេញ 3A-2010 សណ្ដោងរឺម៉ក់កុងតឺន័រ (ជាកម្មសិទ្ធរបស់ក្រុមហ៊ុន S.B ) បើកបរដោយឈ្មោះង៉ែត ពៅ ភេទប្រុសមានទីលំនៅក្នុងខណ្ឌប្ញស្សីកែវ រាជធានីភ្នំពេញ ។ រីឯម៉ូតូម៉ាក HONDA C125 ពណ៌ខ្មៅ ពាក់ស្លាកលេខកំពត1G-8433 ជិះដោយឈ្មោះម៉ូង ចន ភេទប្រុស អាយុ៥៦ឆ្នាំ ជាសន្តិសុខរោងចក្រ (ស្លាប់) មានទីលំនៅភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ។

ក្រោយពេលកើតហេតុ អ្នកបើកបរបង្កត្រូវបានឃាត់ខ្លួនភ្លាមៗ និងកំពុងធ្វើការដោះស្រាយតាមផ្លូវច្បាប់ និងសាកសពជនរងគ្រោះត្រូវបានប្រគល់ជូនក្រុមសាច់ញាតិធ្វើបុណ្យតាមប្រពៃណី ។

....

From:https://kohsantepheapdaily.com.kh/article/167858.html

10:56 PM

ក្មេងស្រីម្នាក់ត្រូវគេធ្វើបាបយ៉ាងព្រៃផ្សៃ

មីយ៉ាន់ម៉ា៖ តាមប្រភពព័ត៌មាន Viral4real បានឲ្យដឹងថា ក្មេងស្រីអាយុ១៣ឆ្នាំម្នាក់ ត្រូវបានម្ចាស់ផ្ទះវាយធ្វើបាបដល់ថ្នាក់យកឆ្នាំងអ៊ុតមកអ៊ុតស្បែករបស់នាង។ ទារុណកម្មដែលម្ចាស់ផ្ទះធ្វើមកលើនាង គឺពិតជាព្រៃផ្សៃរកអ្វីប្រៀបផ្ទឹមពុំបាន។

តាមការរាយការណ៍បានឲ្យដឹងថា ក្មេងស្រីដែលមិនបញ្ចេញឈ្មោះម្នាក់បានរត់ចេញពីផ្ទះ ហើយចាប់ផ្តើមមកស៊ីឈ្នួលនៅផ្ទះរបស់បុរសអាយុ៣២ឆ្នាំ ឈ្មោះ Tun Tun និង ស្ត្រីអាយុ៣០ឆ្នាំ Myat Noe Thu។

....

Advertiser

ដោយធ្វើការមិនទាន់បានយូរប៉ុន្មានផង ម្ចាស់ផ្ទះក៏ចាប់ផ្តើមវាយធ្វើបាបនាងយ៉ាងព្រៃផ្សៃ។ ពីរនាក់ប្តីប្រពន្ធបានចាប់នាងអ៊ុតនឹងឆ្នាំងអ៊ុត ចាក់ទឹកក្តៅលើខ្លួននាង វាយនាងនឹងរំពាត់ ហើយថែមទាំងយកម្ជុលចាក់ភ្នែកនាងថែមទៀតផង។

ការចាប់ខ្លួនពីរនាក់ប្តីប្រពន្ធចិត្តសាហាវខាងលើ ត្រូវបានធ្វើឡើងបន្ទាប់ពីមានការរាយការណ៍ពីអ្នកជិតខាង។ ប៉ូលិសបានជួយយកក្មេងស្រីជនរងគ្រោះមកប៉ុស្តិ៍ប៉ូលិស រួមទាំងជនល្មើសមកជាមួយផង។

Advertiser

ប៉ូលិសបានឃើញស្លាកស្នាមពេញខ្លួនរបស់ក្មេងស្រីអាយុ១៣ឆ្នាំ ហើយសម្រេចថា ទាំងនេះគឺជាស្នាដៃរបស់ប្តីប្រពន្ធម្ចាស់ផ្ទះ។ ប៉ូលិសបានបញ្ជូនក្មេងស្រីរងគ្រោះទៅមណ្ឌលសង្គ្រោះ។ រីឯប្តីប្រពន្ធដៃដល់ត្រូវបានគេបញ្ជូនឡើងតុលាការ៕....

From:https://kohsantepheapdaily.com.kh/article/167584.html